aik kamra imtihan mein/amjad islam amjad/urdu poetry

aik kamra imtihan mein/amjad islam amjad/urdu poetry

Guddo Poetry Chanel is Best Urdu Poetry Collections: urdu nazam,urdu gazal,2 line ashaar, urdu quotes,best urdu quotes,life quotes.
Voice By : Guddo
If You have Interest in poetry,quotes then subscribe my channel where you can watch poetry videos in Urdu language .
Chanel Name
Guddo Poetry
__/LINKS\_
My New Chanel Link
https://www.youtube.com/channel/UCGz_UXgJFh6uY1JitplSwxw
_____________________________________
YouTube Chanel : https://www.youtube.com/channel/UCH9f...
_____________________________________
Facebook Page : https://www.facebook.com/Gudddo/
_____________________________________
Facebook : https://www.facebook.com/guddo1
_____________________________________
Google+ : https://plus.google.com/u/0/104301787...
_____________________________________
Linkedin : https://www.linkedin.com/in/munir-ahm...
_____________________________________
Twitter : https://twitter.com/RanaGuddo
_____________________________________

ek kamra-e-imtihan mein

be-nigāh āñkhoñ se dekhte haiñ parche ko

be-ḳhayāl hāthoñ se

an-bane se lafzoñ par uñgliyāñ ghumāte haiñ

yā savālnāme ko dekhte hī jaate haiñ

sochte nahīñ itnā jitnā sar khujāte haiñ

har taraf kanakhiyoñ se bach bachā ke takte haiñ

dūsroñ ke parchoñ ko rahnumā samajhte haiñ

shāyad is tarah koī rāsta hī mil jaa.e

be-nishāñ javāboñ kā kuchh pata hī mil jaa.e

mujh ko dekhte haiñ to

yuuñ javāb copy par hāshiye lagāte haiñ

dā.ere banāte haiñ

jaise un ko parche ke sab javāb aate haiñ

is tarah ke manzar maiñ

imtihān-gāhoñ meñ dekhtā hī rahtā thā

naql karne vāloñ ke

nit-na.e tarīqoñ se

aap lutf letā thā dostoñ se kahtā thā

kis taraf se jaane ye

aaj dil ke āñgan meñ ik ḳhayāl aayā hai

saikḌoñ savāloñ sā ik savāl laayā hai

vaqt kī adālat meñ

zindagī kī sūrat meñ

ye jo tere hāthoñ meñ ik savāl-nāma hai

kis ne ye banāyā hai

kis liye banāyā hai

kuchh samajh meñ aayā hai

zindagī ke parche ke

sab savāl lāzim haiñ sab savāl mushkil haiñ

be-nigāh āñkhoñ se dekhtā huuñ parche ko

be-ḳhayāl hāthoñ se

an-bane se lafzoñ par uñgliyāñ ghumātā huuñ

koī dekhtā hai to

dā.ere banātā huuñ

hāshiye lagātā huuñ

yā savāl-nāme ko dekhtā hī jaatā huuñ